Thursday 4 August 2011

自由行“樂” - 香港澳门游 (第二日)

第二日,我哋嘅行程就係去食點心,去到香港一定要食嘎,之後就去海洋公園。

今次我哋去上環附近嘅一間茶樓度食點心,试下“一盅两件”。就係“蓮香樓”啦,據說有近百年曆史嘎,呢度係一間舊式嘅茶樓,要自己揾位,好彩得我哋兩個人,所以比较容易搭檯同埋我發覺到啲企堂沖茶夥計都係有年紀嘎,果然係古老嘅茶樓啊。由於得我哋兩個人,所以我哋叫咗幾籠點心嚟试下,其中特點就最好食啦。4款點心同埋兩茶,食咗我哋80蚊,真係好貴啊!貴都係其次,最重要係好食。

香港上環蓮香

特點(好料)

烧卖

點心(唔知乜名)

企堂沖茶夥計

手推點心
一眼睇過去人山人海高朋满座

食飽飽之後,我哋就出去海洋公園!好彩去之前,喺街買咗把遮,如果唔係,就會見到兩個黑炭頭啦,因為真係好曬啊喺上環站乘搭港鐵到金鐘站,再搭巴士直到海洋公園到咗地鐵金鐘站出口,就會見到好多前往海洋公園嘅巴士,巴士編號629,跟住大隊上車就包大約10分鐘車程,我哋就到咗海洋公園啦

我哋首先到櫃檯拿入門卷(早前喺網上買咗票啦),仲有當然唔少得公園地圖同埋表演時間表啦。太陽實在太厲害啦,曬到我都唔乜想行,但係啲票好貴(要250蚊港纸),所以唔可以,更何況,嚟到唔通唔睇下咩

香港海洋公園

嚟到海洋公園,梗要影张合照啦!彬彬与我

好靓嘅入门卷(熊猫与海狮)

我们的合照

海洋公園分兩個樂園,分別係海濱樂園同埋高峰樂園,海濱公園位於下方,而高峰樂園就喺上方,要上去高峰樂園,可乘搭海洋列車或者係登山纜車。我哋就想兩樣都試下,就首先乘搭海洋列車到高峰樂園,睇完一連串嘅表演,就搭纜車返去海濱樂園

登山纜車

要睇到最靓嘅风景,一定要坐上海洋摩天塔,喺高处望落去真係好靓嘎,俾一片海围住,靓爆啊!

靓!

咁靓嘅环境之下,梗係要影多两張相留恋啦!多谢我哋嘅tripod,全程啲合照都只因有佢。嘻嘻!

合照1

合照2

海洋公園有好多唔同嘅機動遊戲,唔知係唔係老咗,我睇到咁刺激,我就驚驚,所以一樣都無玩到。同埋睇到排曬長隊,都唔想玩啦,睇住其他人搞都一樣嗟

翻天飛

極速之

翻天覆地

行到熱辣辣嘅時候,就俾我見到呢個啦,消暑西瓜一粒35蚊。吃完當場清涼曬啊

消暑西瓜

喺海洋公園睇表演,一定要早啲到,如果唔係。 。。連位都無得你坐啊!我哋睇嘅第一個表演就係[海洋伴我心],係海豚同埋海狮嘅表演。第二個就係[天上王者],好明显地係雀表演,成個表演要带出嘅讯息就係保护大自然生态,唔但只有清晰嘅讯息,而且仲有好多雀鳥出现我哋眼前而第三個表演,有啲奇怪,就係[海洋公園夏水]跳水表演。大概有6/7位嘅表演者,玩花式跳水,開始睇有啲無聊,但係到後面就好緊張,因為有一個人爬到好高嘅跳水台度准备要跳落嚟,真係驚佢會失足跌落

海洋剧场 - 海洋伴我心

海豚表演

海狮表演

天上王者

有两只雀喺天空飞翔

海洋公園夏水

行下行下就睇到有塊許願板,其他人都係寫到細細,我就貪心啲,擦曬人家嘅願望,就寫咗我嘅願望。

早生貴子、快D

行到5點幾,係時候返啦,成個公園咁大,我惗我哋應該行咗三分之一嗟臨走前,梗係要買啲紀念品啦。除咗兩個雪櫃磁鐵,就係呢兩隻企鵝啦,粉藍色同埋粉紅色,佢哋係一對嘎!係唔係好得意嘞但係我最想買嘅係隻熊貓,隻熊貓公仔好得意嘎。不過要599蚊,好貴咯,所以我就無帶到佢返,如果平啲,我会考虑下买嘎。

天天晴晴

熊猫与我

帶住依依不捨嘅心情離開海洋公園,之後我哋就去咗女人街行街買嘢,彬彬喺G2000掃到好多平恤衫,一件99蚊,抵到爛!换返马币,一件都唔使40蚊,KL 70%大减价都無咁平。我都買咗一件正式嘅返工衫,如果有應徵嘅,都有件好睇啲衫著咯

蓮香樓:

港鐵上環站E2出口,穿過新紀元廣場到一個三條街(皇后大道西、蘇杭、文咸東)的交匯處,繼而左轉選走至右方(158-168)旁的石級而上就到

香港海洋公園:

港鐵金鐘站B出口,轉乘629線巴

待續。。。自由行“樂” - 香港澳门游 (第三日)

1 comment:

fengshuicentral said...

相信自己! 加油!

Related Posts Plugin for WordPress, Blogger...